Бүгінгі таңда кітап дүкендерінде шетел тілдерін үйрететін басылымдар жеткілікті. Бірақ олардың басым көпшілігі орыс тілді балаларға арналып, тек шетел тілдерін оқытатын мамандардың көмегімен жұмыс жасауға бағытталған. Сонымен қатар елімізде көптеген балабақшаларда шетел тілдерін үйрету жоспарға енгізілмеген. Тіл үйрету енгізілген кейбір балабақшалар, негізінен, Қазақстан Республикасының Білім және ғылым министрлігі ұсынған оқу-әдістемелік кешендермен (әдістемелік құрал, әліппе-дәптер, хрестоматия, т.б.) жұмыс істейді. Ал мектеп жасына дейінгі балаларға ағылшын тілін үйреткісі келген ата-аналар мен тәрбиеші-ұстаздардың көңілінен шығатын, баланың тіл үйренуге деген қызығушылығын арттыратын, жаттауға жеңіл, қызықты ойын түрінде берілген кітаптар өте аз.

Ағылшын тілінің маманы құрастырған бұл кітап негізінен осы көкейкесті тақырыпқа арналған. Құралдың негізгі ерекшелігі – біріншіден, баланың жас ерекшелігі ескерілген; екіншіден, берілген тапсырмалар өзге тілді үйрену барымында балдырғанға қиыншылық тудыратын мәселелерді жеңуге бағытталған.