Жай (тірек) есептермен жұмыс бастауыш мектептегі математиканың маңызды курстарының бірі болып табылады. Құрама есептерді оқып-үйренуді бастағанға дейін, оқушылардың жай есептерді тиянақты түрде шығара алу қабілеті қалыптасып болуға тиіс. Сол үшін осы оқу құралында есептермен жұмыс істеудің тұтас жүйесі беріліп отыр. Оған 1-сыныпта жай есеп пен оның құрылымы туралы алған ұғымдарын пысықтау, жанама сұрақтары бар есептермен танысу, көбейту мен бөлуге арналған есептерді меңгеру, кері есептерді салыстыру, есептерді теңдеу арқылы шешу үрдістері кіреді.
Сондай-ақ әртүрлі шығармашылық тапсырмалар берілген: қысқаша жазба бойынша есептер құрастыру; жеткіліксіз мәліметпен берілген есептерді толықтыру және т. б.