Бұл құрал кіші жастағы оқушылардың жазу дағдысын қалыптастыруға арналған. Алғашқы сабақтарда әріптер элементтерінің (түзу сызық, бір жағынан дөңгелектенген түзу сызық, екі жағынан дөңгелектенген түзу сызық, ілмектенген түзу сызық, басты сызық, сопақ, жартылай сопақ сызықтар) үлгілері ұсынылады. Оқушылар элементтердің, олардың қасиетін түрлендіре отырып – мөлшері мен кеңістіктегі орналасуын айыра және жаза білуге жаттығады. Ары қарай, бірінші сынып оқушылары қазақ әліпбиінің бас және кіші әріптерінің жазба кескіндемесімен танысады, олардың жазылуымен жаттығады, әріп тіркестері мен сөздерде әріптерді қосып жазу техникасын игереді. Ең маңыздысы, әрбір әріпті жазу белгілі бір нүктеден басталатындығын, ал қосып жазу түрі сол сөз тіркесінің
келесі әріптің қай нүктеден басталатындығына байланыстылығын оқушылар жете түсінуі керек.
Жиектемедегі сөздер жазба әріптермен көшіріп жазуға арналған.