«Орта ғасырлар кезеңіндегі Қазақстан тарихы» деп аталатын қабырғаға ілетін карталар жинағында әдістемелік көзқарас тұрғысынан алғанда неғұрлым маңызды әрі аталған кезеңді оқып-үйренуге аса қажетті картографиялық және суретті материалдар қамтылған. Оның көмегімен оқушылар орта ғасырлар кезеңінде Қазақстан және Орталық Азия аумақтарында болған тарихи оқиғалардың көріністерімен кең тұрғыда танысады, сонымен қатар Еуразия халықтарының этносаяси, әлеуметтік және мәдени қарым-қатынастарының процестерін көрнекі түрде қадағалай алады.