Еуропа халықтары ертегісінің желісі бойынша. Баяғы өткен заманда Мидас деген ерекше бай бір патша өмір сүріпті. Ол патша мәртебесіне сай келер нәрсенің бәріне ие болатын. Мидас патша тұратын зәулім әрі әдемі сарайдай сарайды жер шарын төрт айналсаң да көре алмассың. Осы аты шулы патшамыз өмірін Мэриголд атты қызымен бірге молшылықта өткізіп жатады. Бар қызығы - өте қатты жақсы көретін қызы Мэриголд болса, бар арманы - байлықтың үстіне байлық, алтынның үстіне алтын қосу еді. Ол ең үлкен бақыт "өмірде алтынмен апталып, күміспен қапталуда" деп ойлайтын.