Бұл құрал 6 жастан асқан балалардың функционалдық сауаттылық дағдыларын, атап айтқанда оқу мен жазу дағдыларын қалыптастыруға арналған. Құралда оқу дағдысын қалыптастыруға арналған (буындарды қосып сөздерді оқу, сөздерді біріктіре қосып сөйлемдер мен мәтіндерді оқу), жазу дағдыларын қалыптастыруға (әріптердің бөліктерін жаза отырып әріп, буын, сөз жазуға) арналған түрлі деңгейдегі тапсырмалар берілген, бұл балалардың оқып үйренуге қызығушылықтарын арттыра түседі және оны үйренуде оңай және қызықты болады.
Қазіргі қоғамда ақпараттармен жұмыс істей алу қабілеті мен оны оқу және түсіну-табысты болудың шарты. Саналы оқу сауат ашу сабақтарында ғана емес,
сонымен қатар, кез-келген пәндер аясында да жетістікке жетудің кепілі болып табылады. Сондықтан оқу икемділігі тек оқу техникасын меңгерумен шектелмеу керек. Бала оқып отырған кезде оны түсінуі керек, оның мазмұны туралы ойлап, әңгімелесушіге оқығаны туралы өз ойын сауатты түрде жеткізуге және оны сауатты түрде жазуға үйренуі керек. Сондықтан оқытудың алғашқы кезеңінде-ақ тұлғаның өзіндік дамуына негіз болатын түсіініп, саналы оқуды дамытуға баса назар аудару керек.
Оқу құралын баланы өздігінен дайындау кезінде немесе әліппе кезеңіне арналған қосымша жұмыс дәптері ретінде де пайдалануға болады.
*Кітапшадағы ұсақ қаріппен берілген мәтінді ересектер оқиды. Жиектемедегісөздер жазба әріптермен көшіріп жазуға арналған.