Бұл картографиялық құрал – ҚР жалпы білім беретін мектептерінің 8-сыныбында оқылатын «Қазақстан тарихы» пәні бойынша оқу-әдістемелік кешенінің құрамдас бөлігі. Бұл құралды білім беру үдерісінде пайдалану оқушылардың қажетті жаңа мағлұматтар ала отырып, сабақ тақырыбын анағұрлым терең меңгеруіне және бұрын алған білімді жүйелеуге көмектеседі, ғылыми түсініктерді мақсатты түрде қайталау мен бекітуді қамтамасыз етеді. Зерттелетін кезеңнің жалпы тарихи көрінісін қалыптастыруға көмектеседі.

Атласқа осы пәнді оқып-білуге қажет негізгі картографиялық материалдар мен иллюстрациялар енгізілген. Оқушылар оның көмегімен Қазақстан аумағында XVIII ғ. бастап ХХ-шы жүзжылдықтың басына дейінгі тарихи оқиғалардың ауқымын кеңінен жан-жақты біле алады, сондай-ақ Еуразия халықтарының этносаяси, әлеуметтік және мәдени байланыстарын көрнекілікпен егжей-тегжейлі қарастыру мүмкіндігіне ие болады.

Материалдардың дәлме-дәл хронологиялық ретпен баяндалуы бағдарлама талаптарына сәйкес. Оқу құралы жалпы білім беретін мектептер, лицейлер оқушыларына, колледжер студенттері мен тарих пәнінің оқытушыларына арналған.