Бұл құралға жалпы білім беретін мектептердің үшінші сыныптарына арналған математика бойынша Бағдарламамен анықталған базалық тақырыптардың бірі – «Ауызша көбейту және бөлу» бойынша күрделілігі әр түрлі деңгейдегі тапсырмалар енгізілген.
Берілген жаттығулар оқушылардың есептеу дағдыларын жетілдіре түсуіне, өткен материалдарды қайталауға және оларды пысықтауға көмектеседі, ал қызықты тапсырмалар балалардың ой-өрісін, логикалық ойлау мен шығармашылық қабілеттерін дамытуға мүмкіндік береді. Құралды сабақ жүргізу кезінде математикадан қолданыстағы кез келген оқулыққа қосымша материал ретінде, сабақтан тыс факультативтік сабақтарда, сондай-ақ оқушылардың өз беттерінше жұмыс істеуіне пайдалану ұсынылады.