Кеме – суда жүзуге арналған тасымал көлігі. Ертеректе адамдар бөренемен, салмен, ойылып жасалған қайықтармен жүзсе, уақыт өте оның аумағы ұлғайып, суда жүзетін көліктің жүк көтеруі мен жылдамдығы да арта түсті. Кемелер мен қайықтар – тіршіліктің табыс көзі болып саналады. Теңізде жүк тасу, әскери жүйеде қызмет атқару, сауда-саттық тасымалы - кеменің мойнына жүктелген міндеттер. Ол өзінің көріктілігімен әрқашан жастың да, кәрінің де көзін тартады.